• 16 أغسطس، 2022

بابكر سلك يكتب: عبرت ماعبرت

سلك

*أمة المريخ كلها ناقة في موضوع مباراة الأهلي القادمة.

*هنا ؟.

*لأ .

*هناك.

*هناك؟.

*لأ .

*هنا .

*جزء من أمة المريخ يرى أن الإتفاق على لعبها هناك غلط من الأول.

*وجزء تاني شايف يعني فيها شنو يعني.

*هنا وهناك واااحد.

*وجزء شايف كان هنا كان هناك.

*يانا المتكاملين رفيقنا وعلى الحتانة.

*وجزء يرى أن ديمقراطية المريخ تساند رأي المجلس بلعبها هنا طالما كان قرار أغلبية .

*المجلس؟.

*المجلس دايرها وين؟.

*أيها الناس.

*خلونا واضحين.

*لا ديمقراطية المريخ.

*ولا المجلس .

*ولا كلنا الذين نمثل أمة المريخ.

*ولا تاتشرات الدعم السريع تستطيع أن تحدد مكان اللقاء .

*من يستطيع حدد وإنتهى.

*استنفروا مشجعي المريخ في وسط البلد والدقي والعتبة.

*وشوفوا ليهم ترحيل لاستاد السلام والسلام.

*الموضوع ده ماتركزوا عليهو شديد.

*بفقدكم التركيز على المباراة المهمة المقامة الثالثة ظهراً الجمعة الجاية .

*كورة الأهلي دي كورة أهل حسموها الأهل في بعضهم وماتدخلوا .

*فيكم زول دافع حق طبق كشري؟.

*طيب مالكم ومال أم تتلعب فين؟.

*وقصة تتلعب هنا وتتلعب هناك دي.

*بقت زي قون شيبوب في إتحاد الجزائر.

*قعدنا في عبرت ماعبرت.

*لما مازيمبي عبر وخلانا.

*عشان كده حقو نخلينا فيما نقدر عليهو .

*زول بقدر يحول محل الكورة دي مافي.

*ولا السماني ذاتو .

*أيها الناس.

*ركزوا على كورة الجمعة.

*الرزق تلاقيط.

*خطوة ونفكر في البعدها.

*لأنو لو فكرنا في الخطوة الجاية قبل مانخطي الخطوة الأولى بنتشنقل.

*وكان إتشنقلنا بننبشق.

*وكان إنبشقنا بنتشتت.

*وكان إتشتتنا تاني مابنتلم .

*الكورة الجاية مهمة.

*والنقاط درجات ورتب.

*صن داونز سبعة دبابير.

*عقيد أظنو بقى.

*المريخ رائد.

*الأهلي رائد .

*الجماعة لسة في دبورة التخريج من الكلية ديك.

*نحنا ماشين على عقيد.

*وهم ماشين على التجريد من الرتبة.

*غايتو (الكاف) لو عمل الرتب العسكرية بالبطولات القارية .

*ابو الهل ده يايقعد مستجد طول العمر والكتف زلبطة.

*يايشتري ليهو رتبة من سوق ليبيا.

*فريق خلا .

*أيها الناس.

*إن تنصروا الله ينصركم .

*أها.

*نجي لي شمارات والي الخرتوم.

*والينا المكلف بينا.

*حانكون من الصائمين ولا حانشتت قبل ذلك قول لينا؟.

سلك كهربا

ننساك كيف والكلب قال لما يؤلك مصر يبأ مصر….فاهم يا الدلعادي؟؟؟.

وإلى لقاء .

سلك

السابق

محمد عبد الماجد يكتب: ود (المرا)!

السابق

تفاصيل إطلاق كافة المعتقلين من المتظاهرين

أكتب تعليقك

لن يتم نشر عنوان بريدك الإلكتروني.