في السلك.. خارج أرضنا البركة في عرضنا

سلك
Babiker Silk

*زماااااان في قصة.

*بدري الكلام ده .

*زمن الجاهلية الأولى .

*قالوا في خواجة جا السودان.

*الجماعة إحتفلوا بيهو .

*جابوا العشا شيات ونيات وجبن وزيتون والذي منو .

*الكلام ده بدري شديد.

*بدوا بالجبنة والزيتون لزوم الذي منو .

*الوكت داك كلو شي حلال.

*بدري الكلام ده .

*الخواجة أدوهو سجارة بألوانها المختلفة قال ما بدخن.

*أدوهو هيروين .

*قال ما بشم .

*بدري الكلام ده.

*أدوهو من الباغة قال ما بشرب.

*واحد من جدودنا الكانوا في العشا .

*قال للخواجة .

*يا خواجة إنت لا بتشرب لا بتنصقع لا بتسف لا بتسجر ولا بتأكل مال الدولة.

*الكافر ليها شنو؟.

*طرأ هذا السؤال عليّ وأنا أشاهد المريخ بالأمس ولقطات لكلارك.

*يا خواجة .

*اللاعب بيها شنو؟.

*وخواجه لي شنو؟.

*وخواجه لي منو؟.

*نحن ما مدربين.

*وكتاب الله ما بناباهو .

*لكن الفيك إتعرفت.

*الخواجه ليها شنو؟.

*لاعب لينا بي تلاتة خمسة أتنين؟.

*إنت ما كلموك قالوا ليك نحن كرهتنا في الحياة دي الرقم 352 ؟.

*في معسكرنا الشهرين ده .

*الغرفة 352 ماقعدنا فيها.

*ده خواجة شنو ده ياربي؟.

*ولا صعوط ما بتسف؟.

*الخواجة الليك شنو؟.

*أيها الناس .

*قطعاً الناس بتكون حملت ناس المسؤولية .

*وفي ناس بتبرر للناس الأولانيين.

*وفي ناس جابوا أسباب غريبة وناس جابت مبررات وهمية .

*في ناس قالوا السبب سوداكال لأنو أجبرنا نلعب بره الديار .

*وفي ناس قالوا السبب المعسكر الطويل .

*في محاولة منهم للتقليل من شأن المجلس وتحميله مسؤولية التعادل وقبح الآداء .

*وفي ناس قالوا من المدرب.

*وشككوا في خواجيتو .

*وفي ناس قالوا السبب المدرب الأولاني القعد شهر قال شغال تكتيك واللياقة بجيبها بعدين .

*كتير القالوهوا الناس .

*لكني أرى .

*أن اللاعبين هم السبب المباشر

*بدون خطة كان بالإمكان أفضل مما كان.

*أكيد المدرب ما قال ليهم مرروا الكورة غلط .

*وأنا ده .

*المسكين ده .

*لو قعدت شهرين بالحراسة آكل وأشرب كان غلبت صن داونز ولو قابلتو بالفاتيكان .

*والحراسة لغير الناطقين بها.

*القاعدين في مصر شهرين.

*هي اللومان .

*فاهمني ياحبيبي .

*والحمد لله على التعادل.

*فقدنا أرضنا وما فرطنا في عرضنا.

*بعض إخفاق اللاعبين ممكن نردو للتوليف في الخانة.

*وإن كان هذا ليس بالمبرر الكافي للاعب محترف بقبض بالمليارات.

*والحقيقة إنو كورتنا بعيدة بعد الديمقراطية عن بلد فيها جيش

*فإن نلزم جادة الطريق .

*حا نطير أكتر من طيران شيكات الجوكية .

*مباراة يجب ألا تكون للنسيان.

*حتى نستفيد منها .

*نحن لسه فيها .

*وبالإمكان مسح الصورة المهزوزة أمام الزبون .

*زماااااااان .

*بدري الكلام ده .

*كنا بنمشي مصر شهر العسل.

*وأردنا أن نعيد الكرة .

*لكن بالشفناهو أمس ده .

*الله يستر ما يسوقونا مصر .

*أيها الناس .

*بعد غربة وشوق .

*شفنا المريخ .

*نغالب فيهو .

*يدرن لينا .

*ربنا شاف حازم ووفر ليهو الحافز.

*المهم .

*كورة الجمعة إذا لم يتغير الحال.

*من القاهرة ولي ترس الشمال .

*يمكن تعتبر لأولادنا مساهمة وطنية .

*الغريبة الخواجة طلع توني.

*الخواجة ليها شنو الزول ده؟.

*أيها الناس .

*أتوقع أن يخرج إلينا الإعلام إياه بمانشيتات .

*مدرب صن داونز يقول الهلال أفضل من المريخ بكثير .

*لم نسمع بالمريخ ولكن الهلال تسبقه سمعته .

*نيلسون مانديلا كان يعشق الهلال ويكلمنا عنه وهو بالمعتقل.

*ويقول كأس مانديلا المريخ شالو سلبطة وكان أولى به الهلال .

*أيها الناس .

*إن الله لا يغير ما بقوم حتى يغيروا ما بأنفسهم .

*أيها الناس .

*إن تنصروا الله ينصركم .

*أها .

*نجي لي شمارات والي الخرتوم

*والينا المكلف بينا .

*متأكدين مصر دي مؤمّنه لينا؟.

سلك كهربا

ننساك كيف والكلب قال البيض أمس في مصر بالهبل ما عارفين في السودان الطبق بي ألفين ؟؟؟؟؟

وإلى لقاء.

mango whatsapp mango whatsapp

السابق

توقعات حالة الطقس اليوم

السابق

تخصيص 45 مليون دولار مساعدات إنسانية للسودان.

أكتب تعليقك

لن يتم نشر عنوان بريدك الإلكتروني.